Bicharne Wale Bata Ke Jao | Sad Urdu Poetry | Annie Urdu Poetry

Bicharne Wale Bata Ke Jao | Sad Urdu Poetry | Annie Urdu Poetry

Bicharne waley chale jo ho to bata k jao k kitni shamain udaas ankhon main kaatni hain. k kitni subhain akele pan main guzarni hain. bata k jaao. k kitne sooraj azaab raston ko dekhna hai k kitne mahtaab sard raaton ki.wus'aton se nikaalne hain. bata k jaao k chand raaton main waqt kaise guzaarna hai. khush lamhon main tujko kitna pukaarna hai. bata k jaao!k kitne lamhe shumaar karne hain hijraton k k kitne mosam ik aik kar k judayon main guzarne hain. bata k jaao k panchyon ne akele pan ka sabab jo pucha. to kya kahun gi. kisi ne raste main rok kar mujse ab jo pucha k pichle mosam main saye saye jo ajnabi tha to kaya kahun Gi. bichar k tujse habib kis se mila karun Gi bata k jaao! k ankh barsi to kon moti chuna karega. udaas lamhon main dil ki dharkan suna karega. bata k jaao!k mosamon ko pyaam dene hain ya nahin. falak ko,taaron ko,jugnuon ko salam dene hain ya nhi. bata k jaao! k kis pe hai aitbaar karna to kis ki baton pe be-niazi k silsile ikhtiar karna. bata k jao! k ab rawayon ki chal kya ho jwab kya ho swal kya ho uroj kya ho zawal kya ho nigah,rukhsar,zulf,chehra nidhal kya ho bata k jao!k meri sorat pe tergi muskura pari to main kya karun Gi. bata k jao k tumko kitna pukarna hai bichar k tujse ye waqt kaise guzarna hai badan ko kitna sanwarna hai bicharne wale chale jo ho to bata k jao